Արժեթղթերի երաշխավորված և չերաշխավորված տեղաբաշխում

Մենք իրականացնում ենք իրավաբանական անձանց կողմից թողարկվող արժեթղթերի երաշխավորված, ինչպես նաև չերաշխավորված տեղաբաշխում:
Երաշխավորված տեղաբաշխման դեպքում տեղաբաշխողը (Ընկերությունը) երաշխավորում է արժեթղթերի թողարկման ողջ ծավալի տեղաբաշխումը առաջնային շուկայում, իսկ չերաշխավորված տեղաբաշխման դեպքում տեղաբաշխողը (Ընկերությունը) պարտավորվում է գործադրել լավագույն ջանքեր` արժեթղթերի թողարկման ողջ ծավալը առաջնային շուկայում տեղաբաշխելու նպատակով, բայց չի երաշխավորում թողարկվող արժեթղթերի տեղաբաշխումը առաջնային շուկայում:

Մենք իրականացնում ենք նաև արժեթղթերի թողարկման եւ տեղաբաշխման կազմակերպման հետ կապված ծառայությունների մատուցում, մասնավորապես`

• արժեթղթերի թողարկման պայմանների, շրջանառության, տեղաբաշխման և մարման սպասարկման վերաբերյալ խորհրդատվության տրամադրում,
• արժեթղթերի ազդագրի պատրաստման հետ կապված խորհրդատվության տրամադրում,
• արժեթղթերի ազդագրի պատրաստում և գրանցում ՀՀ կենտրոնական բանկում,
• արժեթղթերի գրանցում «ՆԱՍԴԱՔ ՕԷՄԷՔՍ Արմենիա» ԲԲԸ-ում,
• արժեթղթերի շուկայի ստեղծում (մարքեթ-մեյքինգ)` երկրորդային շուկայում արժեթղթերի իրացվելիության ապահովման նպատակով,
• և այլն:

Թարմացվել է 13:50 28/09/09