Մեր նպատակները

Ընկերության կողմից ընդունված միջնաժամկետ նպատակներն են`

• ներդրումային ընկերությունների շարքում առաջատար դիրքերի ամրապնդում,
• ընկերության  մրցունակության պահպանում` հաշվի առնելով շուկայում նոր, խոշոր մրցակիցների ի հայտ գալը,
• թողարկումների շուկայում նշանակալից հատվածի գրավում,
• արժեթղթերի փաթեթի կառավարման իրականացում,
• կորպորատիվ արժեթղթերի շուկայում Ընկերության կողմից նշանակալի դիրքի ձեռքբերում,
• Բրոքերային ծառայությունների ոլորտում առաջատար դիրքերի ձեռք բերում:

2009թ. բրոքերային գործարքների ընթացքում Ընկերության  հաճախորդներն իրականացրել են մոտ 900 մլն ՀՀ դրամ ծավալի պետական և 23 մլն ՀՀ դրամ ծավալի կորպորատիվ արժեթղթերով գործառնություններ: 2009թ. վերջի դրությամբ Ընկերության սեփական ներդրումները արժեթղթերում կազմել են մոտ 2.8 մլրդ ՀՀ դրամ` անվանական արժեքով որից մոտ 10%-ը (280,618,900 ՀՀ դրամ` անվանական արժեքով) ներդրումներ են կորպորատիվ արժեթղթերում. 2008թ. վերջում այդ թիվը կազմել էր 324 մլն ՀՀ դրամ (անվանական արժեքով):

Արժեթղթերի շուկայի զարգացման նպատակով ՀՀ կառավարությունը որոշում է ընդունել մասնավորեցնել վեց պետական ընկերություններ: ՓԲԸ-ից վերակազմավորելով ԲԲԸ-ի` այդ ընկերությունները մասնավորեցվելու են ֆոնդային բորսայի միջոցով` «ՆԱՍԴԱՔ ՕԷՄԵՔՍ Արմենիա» ԲԲԸ-ի կանոններով նախատեսված սովորական բաց ստանդարտ աճուրդի եղանակով: Ընկերությունը մտադրված է մասնակցել ներդրումային ընկերությունների ընտրության մրցույթին` նպատակ ունենալով իր դերակատարումն ունենալ այդ ընկերությունների բաժնետոմսերի թողարկման և տեղաբաշխման գործընթացում:

Թարմացվել է 15:30 11/02/10